Autoritetet në Serbi kanë urdhëruar për mbajtjen e detyrueshme të maskave në çdo kohë jashtë shtëpisë.

Gjithashtu janë ndaluar tubimet publike dhe në Beograd është duke u përgatitur një arenë sportive për të akomoduar fluksin në rritje të pacientëve me simptoma të lehta të Covid-19, tha Darija Kisic Tepavcevic, një anëtar i stafit të qeverisë së krizave, transmeton portal arbresh.info

“Maskat duhet të vendosen kudo, përfshirë edhe ambientet e jashtme”, tha Kisic Tepavcevic.

Studimi zbulon se sa ditë i kalojnë njerëzit pa i larë maskat, pavarësisht këshillave mjekësore

Situata në Serbi është më e favorshme, në krahasim me vendet tjera të Europës, megjithatë qeveria ka marrë masa që të frenojë përhapjen e shpejtë të virusit.

Serbia deri më tani ka raportuar 35,454 raste dhe 770 vdekje, ndërsa vetëm ditën enjte janë raportuar 203 raste të reja me koronavirus.

Autoritetet thonë se përhapja e sëmundjes po rritet vazhdimisht për shkak të motit më të ftohtë, pasi edhe njerëzit janë duke qendruar në turma brenda ambienteve të mbyllura./arbresh.info/